الفترة التامنة لسوهارتو
حتى ولو متّوا أو انهرتوا
الحاكم هو ومين غيره؟
مين يملك في الحكم مهارته؟
الفترة التامنة لسوهارتو
الفترة التامنة دي مضمونة
والتاسعة برضه دي مأمونة
مين انتوا عشان تنتخبونا؟
وتقولوا بدّلتوا وغيّرتو؟
الفترة التامنة لسوهارتو
متأنَي في جميع خطواته
وتاريخي في جميع خطاباته
والشعر المنتوف من باطه
أطيب م العنبر لطهارته
الفترة التامنة لسوهارتو
متأنّي مش لجل غباؤه
بالعكس ده معروف بذكاؤه
ونزاهته هو وأبناؤه
معروفة حتى إن شهّرتوا
الفترة التامنة لسوهارتو
إزاي هنفرّط وجلالته
قاعد علشان ينهي رسالته
ولغاية ما تشوفوا ريالته
وتكونوا يا شعب اتحضّرتوا
الفترة التامنة لسوهارتو
منقول
للشاعر/ جمال بخيت
ليست هناك تعليقات:
إرسال تعليق